- AUDITORIO MUNICIPAL
-
MUSEO MUNICIPAL E OUTROS ESPAZOS EXPOSITIVOS
-
CICLO FESTIVO E FESTIVAIS
-
OUTRAS FESTAS E AUTORIZACIÓNS
-
PREMIOS E SUBVENCIÓNS
Consello da Cultura- Normalización
lingüística
Recibe as novas de Cultura
directamente no teu email
ActividadesExposicións e espazos expositivos
[16 Xullo 2020 20:30 ]
SINCRONACIDAS. OH! OLIMPIADAS
Auditorio de Ourense
Proposta fresca e divertida na que dúas limpadoras ven como as súas rutinas son retransmitidas como se dunha competición olímpica se tratase. O cotián narrado como se fose o mundial de natación sincronizada para construír un mundo absurdo e disparatado.
Todos os públicos. Gratuíto
20.30 h
Terraza do Auditorio Municipal (acceso por rúa da Canle).
Recoméndase acudir con antelación, xa que non se permitirá a entrada unha vez comezado o espectáculo.
[17 Xullo 2020 20:30 ]
CAMERATA LÍRICA. LA TRAVIATA
Auditorio de Ourense
Concerto escenificado desta grande obra de principio a fin, na que non faltan as arias, os dúos e tercetos máis importantes. A obra de Verdi con libreto de F. M. Piave baseada na novela de Alejandro Dumas “A dama das camelias”.
Todos os públicos. Gratuíto
20.30 h
Terraza do Auditorio Municipal (acceso por rúa da Canle).
Recoméndase acudir con antelación, xa que non se permitirá a entrada unha vez comezado o espectáculo.
[23 Xullo 2020 20:30 ]
LA TROUPE MALABÓ. ONIRICUS
Auditorio de Ourense
Dous surrealistas e aloucados mozos de circo, que soñan con converterse algún día en verdadeiros artistas, atópanse co desafiuzamento do circo no que traballan. Deciden fuxir e renderse pero grazas ao público seguen adiante co seu soño. Aquí nace un novo circo e o espectáculo debe continuar.
Todos os públicos. Gratuíto
20.30 h
Terraza do Auditorio Municipal (acceso por rúa da Canle).
Recoméndase acudir con antelación, xa que non se permitirá a entrada unha vez comezado o espectáculo.
[24 Xullo 2020 20:30 ]
CÍA. VOL DE TEMPS. DISTANS
Auditorio de Ourense
Unha viaxe a través das emocións nun espazo visual e sonoro que envolve as escenas de circo acrobático e teatro xestual que conforman un espectáculo orgánico, sensible e divertido. Falan de amizade, da fraxilidade do ser humano, da soidade e do amor que é capaz de reconstruír as nosas relacións. A compañía foi premio en Fetén o ano pasado e é considerado un dos mellores espectáculos de circo nos premios de Andalucía.
Todos os públicos. Gratuíto
20.30 h
Terraza do Auditorio Municipal (acceso por rúa da Canle).
Recoméndase acudir con antelación, xa que non se permitirá a entrada unha vez comezado o espectáculo.
[29 Xullo 2020 20:30 ]
DIANA TARÍN E ALFONSO MEDELA TRÍO
Outros espazos
Alfonso Medela é un recoñecido pianista e compositor do Carballiño. Profesor superior de Piano, é especialista en Jazz e Música Moderna, así como creador de máis dun cento de temas propios. Nestes concertos estará arroupado pola súa formación habitual e acompañado pola voz de Diana Tarín.
Todos os públicos. Gratuíto
20.30h
Terraza do centro comercial Ponte Vella
[19 Septembro 2020 16:30 ]
CANTAJUEGO PRESENTA: ESTÉNDOCHE A MIÑA MAN. VIRA NACIONAL E INTERNACIONAL 2020/21
Auditorio de Ourense
Tal e como o enuncia o título do novo espectáculo, unha vez máis, o Grupo Encanto entregará ao publico unha montaxe especial baseada na solidariedade, a amizade, o traballo en equipo e a empatía. Cunha esmerada selección da súa longa lista de éxitos, esta filosofía refórzase aínda máis dada a expansión a países Latinoamericanos incluída na longa lista de cidades que visitarán nesta edición, tendendo así pontes culturais entre ambos os continentes.
Arroupado por unha escenografía deseñada especialmente para esta xira, Esténdoche a miña man estará protagonizada polos xa icónicos CantaJuego e os seus fieis amigos, Coco, Pepe e Buby entre outros personaxes, para despregar un espectáculo cheo de música, coreografías, humor e enerxía que integra por igual a pequenos e maiores.
Espectáculo recomendado a partir de 12 meses. Duración 80 min. (todos os asistentes deben adquirir entrada, incluídos nenos e adultos, independentemente da idade e de se ocupan butaca ou non).
Dous pases:
· 16.30h - entradas.
· 19h - entradas.
Ademais, entradas teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.
[03 Outubro 2020 20:30 ]
GISELLE - ST PETERSBURG FESTIVAL BALLET
Auditorio de Ourense
Giselle é un ballet en dous actos con música de Adolphe Adam, coreografía de Jules Perrot e Jean Coralli e libreto de Théophile Gautier e Jules- Henri Vernoy.
Duración:
· 1º acto – 52 min
descanso – 20 min,
· 2º acto – 50 min.
Obra mestra absoluta do teatro da danza do Romanticismo. Foi estreada en 1841 na Ópera de París constituíndose en peza pura e fundamental da danza clásica, tanto polo tratamento dos ideais románticos como polo emprego da máis refinada técnica teatral do século XIX.
O ballet Giselle constitúe unha das máis puras xoias do ballet romántico.
ST. PETERSBURG Festival Ballet ®
A compañía foi fundada en 2011 por Maxim Zhuchin. Reúne a bailaríns de San Petersburgo, novos e ambiciosos, todos eles con talento. O propósito da posta en marcha da compañía, foi o desexo de presentar aos amantes do ballet clásico no estranxeiro as mozas @estrella do ballet ruso, descubrir ao mundo novos nomes, e axudar aos bailaríns para revelar plenamente o seu talento.
Na formación da compañía tivo unha gran influencia o famoso coreógrafo “ Nikolai Boyarchikov”, quen ao longo de moitos anos foi director artístico do teatro Mikhailovski de San Petersburgo. No repertorio da compañía figuran os seguintes ballets clásicos: “El Cascanueces”, “La Bella Durmiente”, “El Lago de los Cisnes”, “ Giselle”, “ Chopiniana”... ademais destes ballets, o “ St. Petersburg Festival Ballet” a día de hoxe representa obras contemporáneas de novos coreógrafos como Konstantin Keikhel, laureado en múltiples festivais internacionais de ballet. Actualmente a compañía está a traballar na posta en escena do ballet “La Cenicienta”. Regularmente a compañía actúa nos teatros de San Petersburgo, como o Teatro Hermitage, Teatro de Komisargevskaia, B.D. T. de Tovstonogov.
Todos os públicos.
20.30h
Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.
[23 Outubro 2020 20:30 ]
CAFÉ QUIJANO. LA VIDA NO ES LA LA LA - TOUR 2020
Auditorio de Ourense
Os multi nomeados aos premios Latin Grammy, Café Quijano, preséntannos o seu novo traballo, un álbum de pop titulado ” La vida no es La La La“. No seu novo Tour recompilan dúas décadas de éxitos, presentando os seus novos hits e por suposto, intensos e sensitivos boleros que lles fixeron merecedores de cinco nomeamentos aos Latin Grammy Awards. Desde os hits ‘Nada de nada’, ‘A Taberna del Budha´, ‘La Lola’, ‘Tequila’ e ‘Desde Brasil’ ata os seus recentes éxitos ‘Perdoarme’ e `Mina´, pasando polos boleros ‘Me enamoras con todo’ e ‘Robarle tiempo al tiempo’… O novo Show de Café Quijano expón preto de dúas horas de historia viva do pop latino presentándonos o seu fresco novo son pop con éxitos do momento.
20.30h
Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.
[01 Xaneiro 2020 11:00 ] - [31 Decembro 2020]
Centro Histórico
Espazo Expositivo de Arturo Baltar
O Belén de Ourense, máis coñecido popularmente polo nome do seu autor, componse dunha gran cantidade de pezas feitas en barro cocido, ademais de curiosas representacións relixiosas e civís que, mesturadas, conxuntamente coas construccións de carácter popular, crean ese ambiente singular.
Horario: de luns a venres, de 11 h a 14 h.
Entrada: libre e gratuíta.
Lugar: Praza de San Cosme e San Damián.
[01 Xaneiro 2020 11:30 ] - [31 Decembro 2020]
Claustro de San Francisco
Declarado Monumento Histórico-Artístico en 1923, o Claustro de San Francisco sobreviviu á súa azarosa historia conservando practicamente intacta a beleza dos seus 63 arcos, todos decorados con motivos vexetais, animais (reais e fantásticos) e humanos esculpidos en pedra. Aínda que se considera de estilo gótico, a influencia románica é clara.
Horario: de martes a sábados, de 11 h a 13:30 h e de 18 h a 21 h; os domingos, de 11 h a 13.30 h; os luns permanece pechado.
Entrada: libre e gratuíta.
Lugar: Emilia Pardo Bazán, 37.
[05 Marzo 2020 11:30 ] - [31 Agosto 2020]
Centro Cultural Ángel Valente
Réplica
Isidro Tascón (León, 1971) é licenciado en Belas Artes pola Universidade de Salamanca. Entre 1994-96 destaca a súa colaboración na Documenta X e Museum Fridericianum, Kassel-Alemania. Foi premiado en diversas ocasións nas modalidades de pintura, escultura e litografía pola Junta de Castilla e León. En 1999 recibe en Madrid (Calcografía Nacional) o premio de litografía no Certamen Gráfico de Jóvenes Creadores.
No 2002-03, despois da súa última estancia en Basilea e Kassel, traballa para a Academia de España en Roma cunha bolsa do Ministerio de Asuntos Exteriores, obra amosouse no Centro Cultural Conde Duque de Madrid. En 2004 recibe a Beca das Artes Plásticas da Academia de España en Roma polo Ministerio de Cultura.
Realizou numerosas exposicións individuais e colectivas, tanto en España coma no estranxeiro. Ha estado presente en diversas feiras do circuíto internacional de arte contemporáneo: Arco, Art Salamanca, ArteSantander, MiArt, Artelisboa…
Horario: de martes a sábado, de 11 h a 13.30 h e de 18.30 h a 21.30 h, e os domingos de 11 h a 13.30 h (luns pechado).
Entrada: libre e gratuíta.
Lugar: Centro Cultural Ángel Valente (rúa do Paseo, 20).
[01 Xullo 2020 11:30 ] - [31 Decembro 2020]
Museo municipal
Os nosos fondos
A exposición contén importantes mestres da pintura e da escultura ourensáns, caso de Prego de Oliver, Cándido Fernández Mazas, Luis Trabazo, Xaime Quesada, Antonio Quesada, Virxilio Fernández, Acisclo Manzano, Manolo Buciños, Xosé Cid, Vidal Souto, ou Alexandro, entre outros. Forman parte da colección de 1.306 obras de arte -pintura, escultura e debuxo- que se conservan e custodian no Museo Municipal de Ourense.
Horario: de martes a sábados, de 11 h a 13:30 h e de 18:30 h a 21:30 h; os domingos, de 11 h a 13.30 h; os luns permanece pechado.
Entrada: libre e gratuíta.
Lugar: rúa Lepanto -xunto á entrada norte da Catedral-.
[02 Xullo 2020 11:00 ] - [15 Septembro 2020]
Museo municipal
Cromática
VI Bienal de Pintura Xove. Fundación Cum Laude
Horario: de martes a sábados, de 11 h a 13:30 h e de 18:30 h a 21:30 h; os domingos, de 11 h a 13.30 h; os luns permanece pechado.
Entrada: libre e gratuíta.
Lugar: rúa Lepanto -xunto á entrada norte da Catedral-.
988 391 290
Facebook
Twitter
Youtube