CONTACTO

  • Expo Nós
  • os nosos fondos
  • yout
  • Audi
  • I. Tascón
  • A Bela Auria regresa a Ourense e celebra o seu décimo aniversario no centenario de NÓS

    Ourense, setembro de 2020.-
     
    O sábado 19 de setembro volve a festa histórica A Bela Auria para recrear o esplendor cultural de Ourense nos anos vinte do século pasado, xusto cando se compre o centenario da publicación do primeiro exemplar da revista Nós. Baixo o lema "Celebremos Nós", regresa desta volta con reberetes de festival literario.
     
    O evento "non será outra homenaxe", vai visibilizar aspectos transversais e temáticas que aparecen en NÓS: "a infancia, as mulleres que participaron na revista, a sexualidade, a festa, a creatividade, a música", explica Óscar Penín, director do evento.
     
    A organización orienta esta edición do evento dende unha óptica aberta e integradora. Traducións a lingua de signos, espazo amigable coas mascotas, espazo seguro libre de Covid-19, espazo sostible (uso de materiais reciclados e reciclables....etc), música e son sen estridencias, iluminación sen estridencias etc. con máis de unha ducia de horas de programación.
     
    A Bela Auria recuperará un ano máis o Ourense clásico, o fervedoiro cultural que era a vida na cidade nos anos 20 do século pasado. 
    Conscientes das complicacións deste 2020, e as medidas impostas pola pandemia, a festa pensouse con actividades descentralizadas, espazos amplos, e control de aforos que permitan manter a seguridade do público. "Son moitas horas, hai oco para que todo Ourense atope A Bela Auria este día". Na organización instan a ir xa remexendo no baúl do faiado, na procura da mellor chaqueta, boinas e chapeus, faldras e boas de plumas. As mellores roupas para modear con estilo na elegante, xeitosa, e lucida cidade de NÓS. Na esplendorosa Atenas de Galicia, que regresa no tempo.

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica